14 May 2008 - Den nomber di AMTI “Aruba Management and Training Institute”, ta un placer di por tin bo persona y/of empresa como participante den e concurso di e 10 aniversario di nos instituto renombra den duna consulta y training na instituto y empresa aki y pafo di Aruba. AMTI ta keda kere cu e forsa di cualkier organisacion ta basa ariba bon comunicacion.
Concurso “Campeon den Comunicacion”. AMTI kier duna honor na su slogan door di presenta e concurso aki, dirigi primordialmente na su cliente y tambe na otro empresa y/of individual. Pa medio di e concurso aki e ta haya chens di sera conoci cu AMTI y nos servicio nan.
REGLA NAN DI PARTICIPACION:
- Participante mester tin 21 aña of mas;
- Participante por scohe un topico y comunica esaki na AMTI pa por evalua e nivel di e presentacion y topico di e presentacion.
- Un CV actualisa;
- Un nivel intermedio di educacion;
- Tin cierto experiencia den “Public Speaking”;
- Participante mester presenta den un pre-seleccion;
- Idioma, nos dushi Papiamento of Ingles;
- Consehabel pa participa na un di nos cursonan di “Comunicacion” of “Presentation Skills”;
- Final 1 Sept 2008 ta saca e “Campeon den Comunicacion”.
Premio ta un biahe ida I buelta pa Korsow pa dos persona cu estadia paga na Breezes Super Clubs, pa e “Campeon den comunicacion”
Pa nos di AMTI ta un placer ta e anfitrion pa e concurso aki, y alabes tin abo como nos participante. E concurso aki sigur ta un adkisicion, tanto personal como profesional y AMTI ta sinti su mes honra di ta parti di esaki.
Pa informacion, pregunta of inscripcion jama nos na tel.: 588-1264 of bishita nos website: www.amti.org. Deadline pa inscripcion ta 20 di juni 2008. Nos ta spera pronto di haya un noticia positivo di bo banda. Di antemano danki y te pronto.
Atentamente,
Roy Mezas
Managing Director
